Məqsəd media subyektlərinin inkişafına nail olmaqdır - ƏHMƏD İSMAYILOV
“Çap və onlayn media subyektləri müsabiqələrinin nəticələri elan olunub. Burada əsas məqsəd həmin media subyektlərinin inkişafına nail olmaqdır. Bu layihələr davamlı olacaq”.
Azadmediatv.com-un xəbərinə görə, bu haqda Medianın İnkişafı Agentliyinin İcraçı direktoru Əhməd İsmayılov keçirdiyi mətbuat konfransında deyib.
Onun sözlərinə görə, müsabiqələr keçirilməzdən öncə media subyektləri ilə görüşlər keçirilib: “Müsabiqələrimiz yeni formatda həyata keçirilir. Oradakı şərtlər tamamilə yenidir. Bu müsabiqələrin keçmiş ənənənin davamı olaraq qiymətləndirilməsi doğru deyil”.
Ə.İsmayılov ilk dəfə olaraq onlayn media subyektlərinə dəstək müsabiqəsi keçirildiyini vuröulayıb: “Qəzet redaksiyaları ilə yanaşı, qəzetlərin saytlarına da maliyyə dəstəyinin göstərilməsi nəzərdə tutulub. Ayrılan maliyyə dəstəyinə isə nəzarət göstəriləcək. Məqsədimiz media subyeklərinin iqtisadi müstəqilliyinə də nail olmaqdır”.
Azadmediatv.com