Cəmil Quliyev həbs edilib
Daxili İşlər Nazirliyi (DİN) Bakıda bloger Cəmil Quliyevin saxlanılması ilə bağlı məlumat yayıb.
Azadmediatv.com-a DİN-in Mətbuat Xidmətindən verilən məlumatda deyilir:
"Bakı şəhər sakini olan Cəmil Quliyev narkotik vasitələrin qanunsuz dövriyyəsində şübhəli bilindiyi üçün polis əməkdaşları tərəfindən saxlanılıb və Yasamal Rayon Polis İdarəsinin 26-cı Polis Bölməsinə gətirilib. Onun üzərindən şəxsi istifadəsi üçün əldə etdiyi psixotrop maddə metamfetamin aşkar edilib. Cəmil Quliyev barəsində toplanan material məhkəməyə göndərilib. Məhkəmənin qərarı ilə həmin şəxs 2 ay müddətinə inzibati qaydada həbs edilib".
Xatırladaq ki, aprelin 15-də paytaxtın Yasamal rayonunda tanınmış bloger narkotik üstündə tutulub. Sosial şəbəkələrdə “jam_guliyev” adı altında tanınan Cəmil Quliyev 2 ay müddətinə inzibati həbs olunub.
Onun metamfetamin (patı) istifadə etdiyi zaman çəkilmiş videogörüntüləri yayılıb.
Azadmediatv.com