Cəsusluqda ittiham edilən jurnalist həbs edilib

Cəsusluqda ittiham edilən jurnalist həbs edilib

Polşanın Daxili Təhlükəsizlik Agentliyi Rusiyanın xeyirinə casusluqda ittiham olunan Yanuş N. adlı keçmiş jurnalisti (yerli qanunlara əsasən soyadı açıqlanmır) həbs edib.

Azadmediatv.com Rusiya KİV-nə istinadən  xəbər verir ki, bu haqda Polşanın Dövlət Prokurorluğu  rəsmi məlumat yayıb.

 Məlumatda bildirilir ki, cəsusluqda ittiham edilən keçmiş jurnalist  2021-ci il  mayın 31-də saxlanılıb. Yanuş N-nin yaşadığı mənzildə axtarış aparılan zaman 300 min zlot (84 min dollar) aşkarlanıb.

Prokurorluqdan bildirilib ki, o, Rusiya kəşfiyyat əməkdaşlarının tapşırığı üzrə Polşa və xarici siyasətçilər, o cümlədən Avropa Parlamentində işləyənlərlə təmas qurmalı imiş: “Təqsirləndirilən şəxs Polşanın Avropa İttifaqında və beynəlxalq arenada mövqeyini zəiflətmək məqsədi ilə Avropa İttifaqı və başqa ölkələrdə Rusiyanın tapşırığını yerinə yetirib”.

Məhkəmə onun barəsində 3 ay müddətinə həbs-qətimkan tədbiri seçib. İttihamlar təsdiqlənəcəyi halda Yanuş N-ni 10 il müddətinə azadlıqdan məhrum etmə cəzası gözləyir.

Azadmediatv.com





OXŞAR XƏBƏRLƏR