Baş bankir:

Baş bankir: "Manatın məzənnəsinə heç bir təhdid və təzyiq yoxdur"

Azərbaycan Mərkəzi Bankı (AMB) manatın məzənnəsi, ölkədə yenidən devalvasiya olacağı barədə yayılan şaiyələr və  bu söz-söhbətlərin  əhalidə yaratdığı haqlı narahatlıqlarına münasibət bildirib.

Azadmediatv.com-un xəbərinə görə,  bu haqda baş  bankiri Elman Rüstəmovun KİV nümayəndəri keçirdiyi mətbuat konfrasında danışıb.

"Biz medianı izləyirik. Mənə də maraqlıdır ki, belə başlıqlarla yazılan xəbərlər haradan yaranır. Bu iddiaların heç biri peşəkar şəxslərin deyil. Mövcud makroiqtisadi şərait iqtisadi inkişafı dəstəkləyir. Biz tədiyyə balansında əhəmiyyətli profisit gözləyirik. Bildiyiniz kimi beynəlxalq təşkilatlar neft qiymətləri proqnozunu əhəmiyyətli dərəcədə qaldırıb. Biz isə dövlət büdcəmizdə neftin qiymətini 50 dollar civarında götürmüşük. Bu gün Milli Məclisdəki sənədlər İqtisadi Şurada müzakirə olunub. Manatın məzənnəsinə heç bir təhdid və təzyiq yoxdur. Əksinə manatın məzənnəsinin möhkəmlənməsinin əhəmiyyətli təzyiqi var. Bu, bizim iqtisadi strategiyamıza uyğun deyil. Ona görə də ilin sonuna qədər bu təzyiqin azalması gözlənilir. Əhalini belə qeyri-professional yazılarla həyəcanlandırmaq lazım deyil. Mən hamını ciddi sosial məsuliyyətə dəvət edirəm", - deyə o, qeyd edib.

Azadmediatv.com