"Cahangir Əliyevin əlillik qrupuyla bağlı yayılan məlumatlar həqiqiqəti əks etdirmir" - RƏSMİ
"Sosial şəbəkələrdə Vətən Müharibəsində ağır yaralanaraq sağlamlığını itirən Qarabağ Qazisi Cahangir Əliyevin əlillik qrupuyla bağlı yayılan məlumatlar həqiqiqəti əks etdirmir".
Bu haqda Azadmediatv.com-a Əmək və Əhalinin Sosial Müdafiəsi Nazirliyindən bildirilib.
"Qazimiz Əliyev Cahangirə müddətsiz I dərəcə əlillik təyin olinub. Qazimizə təkcə 200 AZN deyil, 400 AZN, ona qulluq etdiyinə görə isə anasına da 50 AZN məbləğində təqaüd təyin olunub. Yəni, hazırda qazimizə ümumilikdə 650 AZN məbləğində sosial ödəniş həyata keçirilir. Qazinin səhhətinin yaxşılaşdıdılması ilə bağlı görülən işlərə gəlincə, o, müxtəlif vaxtlarda Sumqayıt Reabilitasiya Mərkəzində stasionar olaraq reabilitasiya müalicəsi alıb, təkərli oturacaqla təmin olunub. Türkiyədə müalicə alan qazimizin xərcləri qarşılanıb, məişət şəraitinin yaxşılaşdırılması üçün yardım edilib. Akademik Zərifə Əliyeva adına Milli Oftalmologiya Mərkəzində israilli həkim heyəti tərəfindən ona tibb xidmət göstərilib. Həm Dövlət Sosial Müdafiə Fondunun, həm də Dövlət Məşğulluq Agentliyinin əməkdaşları qazinin ailəsində olub, onların sosial vəziyyəti ilə maraqlanıblar. Cahangirin atası Əliyev Gülbala işləyir, eyni zamanda pensiya alır. Qazinin anası oğluna qulluq etdiyinə görə işləmir, lakin dərzi olduğunu nəzərə alınaraq "kiçik dərzi sexi” zərfi üzrə aktivlərlə təmin olunub. Bacısı isə hazırda orta məktəblərin birində müəllim işləyir. Beləliklə, ailənin aylıq ümimi gəliri 1800 manata yaxındır. Bundan başqa Cahangirin anasına mənzil növbəsinə durması üçün yerli İcra Hakimiyyətinə müraciət etməsi də tövsiyə olunub”.
Qeyd edək ki, sosial şəbəkələrdə gəzən məlumatlara görə, 21 yaşlı qazi Cahangir Əliyevin beyninin 70 faizinin zədələndiyi, beyninin bir yarımkürəsinin olmadığı bildirilir. Müharibədə aldığı zədədən bədənində 250-yə yaxın tikiş var, gözünün biri tamamilə görmür, o biri isə 5-10 faiz görür. Əl barmaqlarının birində 4, digərində isə 1 barmağı yoxdur. Danışığı, nitqi 99 faiz pozulan qazinin ayaqlarında da ciddi problemlər var və çəliksiz gəzə bilmir.
manatbağlıbeynininolunubsosialbirindətəyinolaraqişləyirpensiyadərzimərkəzindəmüraciətƏliyevtəminqazinincahangirinedilibitirənanasına
FacebookTwitterWhatsAppE-PoçtDaha Çox
INTERESTİNG FOR YOU
